#PERSONAL: HAPPY SUNDAY!

Hello!

It’s been a while crocodile 😊😊😊

Ilang days akong hindi nakapagbukas ng blog ko and I found out that there are some who likes my blog. Thanks! Hahaha. Seriously, thanks sana mabasa nila ‘to.

Medyo naadik kasi ako sa games. Naaagaw yung attention ko sa pagsusulat at sa paglalaro. And I hate myself for that. Nawawala yung focus ko. Naiinis ako.

Natutuwa ako dun sa Photo na ginawa ko sa blog ko. Ang cute lang. Alam  mo ba ‘yan limang ibon na yan (ibon or manok basta yun na yun…wag kayong ano 😂) parang kami yan ng pamilya ko. Si Daddy, Nanay, Ako at yung dalawa kong nakakabatang kapatid. Naalala ko kasi kapag Sunday, family day daw yun. Sabi nila. Feeling ko kasi araw-araw naman family day. Parang mas ginawa lang na special kapag sunday kasi kasama si Papa G and yan yung time para mamasyal, manood ng sine or kumain sa labas.

Sa amin kasi, basta nakapag simba na kami. Didiretso naman sa palengke si daddy or si nanay para bumili ng lulutuin. Special din kasi yan yung araw na magluluto si daddy ng masarap na pagkain para sa amin. Tapos sabay-sabay kami kakain. Hindi kasi namin nakagawian na mamasyal, kumain sa labas or kahit ano na tulad na ginagawa ng ibang pamilya.

Yung kinikita kasi noon ni Daddy or ni Nanay sapat lang talaga para sa amin. Tapos, kahit ano pa yung nakahain sa hapag-kainan yun ang pinagsasaluhan namin. Walang reklamo. Walang angal. Takot kami kay daddy.

Kapag nagsisimba naman kami, minsan hindi ko alam kung ano yung ipagdadasal ko. Kasi sa araw-araw na ginawa ng dyos palagi naman ako nagdadasal. Kaya pagdating ng linggo wala na ata ako madadasal. Naubos na.

Ito seryoso. Natutunan ko kasi ito noong Elementary ako mula doon Religious Teacher namin. Sa Public School ako nagaral, so once a week ata nagpupunta sa school yung Religious Teacher namin. Marami syang tinuturo syempre about sa religion namin which is Catholic. Pero sa dami ng tinuturo nya minsan hindi ko na matandaan. Pero may isa akong natutunan sa kanya. Sabi nya bago daw kami magdasal kailangan muna namin mangumpisal at humingi ng kapatawaran sa itaas sa lahat lahat ng mga kasalanan namin. Kasi kung magdadasal daw kami ng diretso para sa amin, hindi daw kami maririnig ng Dyos. Tapos sabi pa nya bago daw magdasal para sa sarili mo kailangan mo muna ipagdasal yung ibang tao or yung kapwa mo. Mas epektibo daw kasi yung dasal kapag ganun. Tapos ako sinusunod ko lang sya. Hanggang sa nakalakihan ko na, hanggang sa ngayon ganun ginagawa ko. Lagi ako nagdadasal para sa ibang tao.

 Pero alam nyo ba hindi ako mukang pala dasal. Hahaha. Totoo. Tawag nga sa akin ng Lola ko noon demonyita. Kasi salbahe daw ako. Ako daw pinaka salbahe na apo nya.

#PERSONAL: ME, MYSELF and I

Okay! Me, Myself and I. Ako si Binibining Blogger. Bakit? Hindi ko alam. Habang nagiisip kasi ako ng pangalan ng blog na gagawin ko ay iyon ang biglang pumasok sa isip ko. Kaya agad-agad kong in-enter yung name na Binibining Blogger. At kaboom, walang may gamit ng ganun blog name kaya dina ako nahirapan.

Binibining Blogger | 28 | OFW

Wow! Hindi ko alam kung anong edad ko. Gumamit pa ako ng calculator. Promise! Mamatay man. I am not aware of my age. Mag 29 na pala ako this year. I am a Dragon. Ang pinaka-swerte at ang makapangyarihan sa Chinese Zodiac. Ayoko maniwala. Hahahah! Pero alam ko swerte ako. Swerte ako sa Business.  Proven. 

I am a Leo. Pinanganak ako sa buwan ng Agosto. Leo’s problem become everyone’s problem. Hahaha! Totoo. Proven. Maraming beses ko na napatunayan. Don’t mess with Leo. Hahaha. Hindi kita tinatakot, pero totoo. (Charot) 😂

Magli-lima taon na akong OFW. Pero wala pa akong ipon. Yung kinikita ko dito sa abroad sapat lang pambuhay sa pamilya na nasa Pinas. Sana nga hindi na lang ako umalis. Pareho lang din naman ata ang kikitain ko sa Pilipinas. Ang problema ko lang kase hindi ako nakatapos ng pag-aaral ko. Ayun. Pero hindi naman ako naging pabigat. Tambay at kung ano pa man. Nagwowork naman ako kahit hindi ako nakatapos.

Unang trabaho ko Saleslady sa SM. Syempre conrtractual lang. Alam nyo na 5mos contract. Endo na. Hahahah! Nabakante ako. Kaya nag-helper ako dun sa kapitbahay namin na may Restaurant. Saglit lang yun. Para lang hindi ako maging tambay at pabigat. Tapos apply uli. Promodizer naman. Sa SM Appliance Center. Camera ang binebenta ko. Eh medyo laos na yung Brand na hawak ko. Lakas ng kalaban ko eh! Canon,GE, Polaroid at Sony. Ano laban ko? Ganun pa man at sa awa ng dyos natapos ko pa rin.

Tapos ayun! Nagbudbod ng blessings si Papa “G”. Sinuwerte akong makaalis at makapag trabaho sa abroad. Akala ko tapos na. Pero mahirap pala. Naiiyak na ako. Gusto ko na umuwi. Pero pinakalma ko sarili ko. Sabi ko kay sarili: ” Gaga, ang dami kaya gusto umalis para makapagtrabaho sa abroad, maswerte ka at isa ka sa pinalad. Hindi ka pa pwede umuwi na wala ka man lang kahit singko sa wallet mo. Ano iu-uwi mo? Itlog?” Kaya ayun nagtiis ako ng ilang taon. Kaya hanggang ngayon nandito pa rin ako. Pero uuwi na ako. Ayoko na. Hahahaha

#PERSONAL: PUSUAN MO BIBI😙

Umaapaw ang greetings, post, chocolates,alak at PUSUAN sa newsfeed ko. Nakakatuwa! At masaya ako para sa kanila (choz). Wala naman ako natanggap today. Simple greetings is enough from love ones, friends and family. Baka isipin nyo nagbubumitter ako, hindi ah. Malayo kasi ako sa aking Irog. LDR (long distance relationship) ganun! So, it seems like a usual day. Dito kasi sa abroad hindi sila ganyan ka ano pagdating sa Valentines Day. Sa Pinas lang ata parang Legal Holiday (with No Pay) ang araw ng mga Puso ❤❤❤. Hahaha.Choz. Sana nga gawin ng Legal Holiday ang Valentines days para masaya na ang mga puso pati na rin ang bulsa. Aba syempre double pay yan. Choz uli.

Blog at WordPress.com.

Up ↑